Velkomen til Singerheimen

Opplev det herskapelege 20-talet

Historisk overnatting

Reis tilbake i tid, og nyt ein heimelaga frukost på glasverandaen.

BOOKING



Opplev 20-talet på singerheimen

Eit unikt gjestehus der historia kjem til liv

På Singerheimen kan du overnatte i dei historiske værelsa og vakne til ein nydeleg frukost på den sjarmerande glassverandaen. Opplev historia og stemninga på omvising i huset, og nyt Anna Singers herskapelege Afternoon Tea.

Plassert i idylliske Olden, omkransa av majestetiske fjordar og fjell, byr Singerheimen på ei heilt spesiell oppleving – anten du er kunstelskar, historieentusiast eller berre vil ha eit opphald utanom det vanlege.

Velkommen til ei reise i tid og eleganse!

Herskapelige opplevingar

Omvisingar

Opplev den fengslande historia til Singerheimen; ei forteljing om kjærleik, kunst, enorm rikdom, filantropi, krig og tragedie.

LES MEIR

Afternoon Tea

Opplev ein herskapeleg brunsj på glassverandaen. Med kvite dukar, stearinlys og handbroderte serviettar. Som vi seier på Singerheimen: “Sjølv om fatet er høgt, er alt laga heilt frå botnen av.”

LES MEIR

Historisk overnatting

Flytt inn på Singerheimen, og bo som ein milliardær på 20-talet. Vakn opp til dufta av nysteikt brød, og nyt ein smakfull frukost på glassverandaen.

LES MEIR

Bungalowen

Finn roa i det historiske gjestehuset på Singerheimen. Her er det 4 soverom og 8 sengeplassar. Her har blant anna Monet og Sparre Olsen tilbrakt ferien sin før deg. Omringa av eigen hage, og storslått natur.
frå kr 3 600.-

Aften i Atelieret

Finn inspirasjonen i W.H Singer Jr. sitt eige atelier. Omringa hans originale kunstverk, penslar og staffeli. Du kan leige heile studioet i opptil 4 timar. Skap ditt neste kunstverk i ein historisk atmosfære.
frå kr 1 800,-

Leig ditt eige hotell

Book heile eigedomen for deg og dine. Omkransa av kunst, historie og vakker natur. Heimelaga frukost, omvising og middag etter ønske. 18 sengeplassar fordelt på 8 dobbeltrom og 2 enkeltrom.
frå kr 16 800,-

Ta kontakt for eit uforpliktande tilbod

Vil du leige bungalowen, heile eigedomen eller atelieret? Send oss ein mail.

SEND MAIL


Singerheimen er av stor kulturhistorisk verdi, og vart difor freda av Riksantikvaren i 2021. Det er i dag ei stifting som eig Singerheimen, og på somrane vert eigedomen drifta som museum og gjestehus.

Les meir om historia

Opplev det herskapelege​

Singerheimen blei bygd i 1921, av det amerikanske ekteparet William. H Singer Jr. og Anna Brugh Singer. William vart fødd inn i ein svært rik familie i Pittsburgh, USA. Men han valde kunsten framfor forretninga. Han var ein dyktig landskapsmålar, og leitte i fleire år etter den vakraste staden å slå seg ned. I 1913 fann han Olden, og såg seg aldri tilbake.

Våre samarbeidspartnarar: